ചെ​ട്ടി​കു​ള​ങ്ങ​ര: ചെ​ട്ടി​കു​ള​ങ്ങ​ര ഭ​ര​ണി ദി​നം ഭ​ക്തി​യും വി​ശ്വാ​സ​വും ക​ലാ​വൈ​ഭ​വ​വും സ​മ​ന്വ​യി​ക്കു​ന്ന സു​ന്ദ​ര​നി​മി​ഷം. ആ​വേ​ശ​ത്തി​ന്‍റെ തേ​രി​ലേ​റി​യെ​ത്തു​ന്ന ഓ​ണാ​ട്ടു​ക​ര​യു​ടെ അ​ഭി​മാ​ന​ത്തി​ന്‍റെ കു​തി​ര​പ്പൊ​ക്കം.  ജീ​വ​ത​യി​ലേ​റി​യെ​ത്തു​ന്ന അ​മ്മ​യു​ടെ അ​നു​ഗ്ര​ഹ​ത്തി​നാ​യി പു​ല​രു​വോ​ളം പ്രാ​ർ​ഥ​ന​ക​ളോ​ടെ നാ​ട് കാ​ത്തു​നി​ന്നു. ​കെ​ട്ടു​കാ​ഴ്ച​ക​ളെ വ​ര​വേ​ൽ​ക്കാ​ൻ ഓ​ണാ​ട്ടു​ക​ര​യു​ടെ മ​ണ്ണും മ​ന​സും ഇ​ന്ന​ലെ പു​ല​ർ​ച്ച​യോ​ടെ ഒ​രു​ങ്ങി​യി​രു​ന്നു.

അ​ണി​ഞ്ഞൊ​രു​ങ്ങി​യ കു​ത്തി​യോ​ട്ട​സം​ഘ​ങ്ങ​ൾ  രാ​വി​ലെ മു​ത​ൽ ക്ഷേ​ത്ര​ത്തി​ലേ​ക്ക് ചു​വ​ടുവ​ച്ചെ​ത്തി. ദേ​വി​ക്കു മു​ൻ​പി​ൽ തൊ​ഴു​തു പ്രാ​ർ​ഥി​ച്ചു സ​മ​ർ​പ്പ​ണം ന​ട​ത്തി.  കു​ത്തി​യോ​ട്ട വ​ര​വ് ഉ​ച്ച​യോ​ടെ അ​വ​സാ​നി​ച്ചു. പി​ന്നെ കെ​ട്ടു​കാ​ഴ്ച​ക​ൾ​ക്കാ​യു​ള്ള കാ​ത്തി​രി​പ്പ്. ക്ഷേ​ത്ര​പ​രി​സ​ര​ത്തും കാ​ഴ്ച​ക്ക​ണ്ട​ത്തി​​ന്‍റെ ക​ര​യി​ലും ഭ​ക്ത​ർ നി​റ​ഞ്ഞു. 

എ​ള്ളി​ൻ​പൂ​മ​ണ​മു​ള്ള നാ​ട്ടു​വ​ഴി​ക​ളി​ലൂ​ടെ മ​ര​ച്ച​ക്ര​ങ്ങ​ൾ ഘ​ടി​പ്പി​ച്ച ച​ട്ട​ങ്ങ​ളി​ലേ​റി ഗോ​പു​രം ക​ണ​ക്കു​യ​ര​മു​ള്ള കെ​ട്ടു​കാ​ഴ്ച​ക​ളെ​ത്തി. ദേ​വി​സ്തു​തി​ക​ളും ആ​ർ​പ്പു​വി​ളി​ക​ളും അ​ക​മ്പ​ടി​യാ​യി. 13 ക​ര​ക​ളി​ൽനി​ന്നാ​യി 6 കു​തി​ര​ക​ളും 5 തേ​രു​ക​ളും ഭീ​മ​നും ഹ​നു​മാ​നും പാ​ഞ്ചാ​ലി​യും. ഗോ​പു​രാ​കൃ​തി​യി​ലു​ള്ള കു​തി​ര​ക​ൾ​ക്ക് 125 അ​ടി​യോ​ള​മാ​ണ് പൊ​ക്കം.
മു​ക​ളി​ലും താ​ഴെ​യു​മാ​യി 13 എ​ടു​പ്പു​ക​ൾ. ന​ടു​ക്ക് പു​രാ​ണ​ക​ഥ​ക​ളു​ടെ ദൃ​ശ്യ​ങ്ങ​ൾ നി​റ​ഞ്ഞ പ്ര​ഭ​ട. ദാ​രു​ശി​ൽ​പ​ക​ല​യു​ടെ വി​സ്മ​യം ഈ​രേ​ഴ തെ​ക്കി​​ന്‍റെ കു​തി​ര വൈ​കി​ട്ട് 5.47ന് ​ക്ഷേ​ത്ര മു​റ്റ​ത്തെ​ത്തി. അ​മ്മ​യെ വ​ണ​ങ്ങി കാ​ഴ്ച​ക്ക​ണ്ട​ത്തി​ലേ​ക്കി​റ​ങ്ങി.

കു​തി​ര​യു​ടെ ഇ​ട​ക്കൂ​ടാ​ര​ത്തി​​ന്‍റെ വ​ശ​ങ്ങ​ളി​ൽ തു​ള്ളി​ക്ക​ളി​ക്കു​ന്ന പാ​വ​ക്കു​ട്ടി​ക​ൾ​ക്കൊ​പ്പം ജ​ന​സാ​ഗ​ര​ത്തി​​ന്‍റെ ആ​ർ​പ്പു​വി​ളി​യു​ടെ അ​ല​യൊ​ലി​യി​ൽ ഗ്രാ​മം ഇ​ള​കി​മ​റി​ഞ്ഞു. അ​ന്ത​രീ​ക്ഷം ദേ​വീ​മ​ന്ത്ര മു​ഖ​രി​ത​മാ​യി. താ​നേ കൂ​മ്പി വി​ട​രു​ന്ന താ​മ​ര​യും കി​രീ​ട​ത്തി​നു മു​ക​ളി​ൽ അ​ര​യ​ന്ന​വു​മാ​യെ​ത്തി​യ ഈ​രേ​ഴ വ​ട​ക്കി​​ന്‍റെ കു​തി​ര ര​ണ്ടാ​മ​താ​യി കാ​ഴ്ച​ക്ക​ണ്ട​ത്തി​ലേ​ക്കി​റ​ങ്ങി.

പി​ന്നാ​ലെ ഊ​ഴ​​മ​നു​സ​രി​ച്ച് കൈ​ത തെ​ക്ക്, കൈ​ത വ​ട​ക്ക്, ക​ണ്ണ​മം​ഗ​ലം തെ​ക്ക്, ക​ണ്ണ​മം​ഗ​ലം വ​ട​ക്ക്, പേ​ള, ക​ട​വൂ​ർ, ആ​ഞ്ഞി​ലി​പ്ര, മ​റ്റം വ​ട​ക്ക്, മ​റ്റം തെ​ക്ക്, മേ​നാ​മ്പ​ള്ളി, ന​ട​ക്കാ​വ് ക​ര​ക​ളി​ലെ കെ​ട്ടു​കാ​ഴ്ച​ക​ളും അ​മ്മ​യെ വ​ണ​ങ്ങി രാ​ത്രി​യോ​ടെ കാ​ഴ്ച​ക്ക​ണ്ട​ത്തി​ൽ നി​ര​ന്നു. 

കു​തി​ര​ക​ളും തേ​രു​ക​ളും ഭീ​മ​നും ഹ​നു​മാ​നും പാ​ഞ്ചാ​ലി​യും അ​ണി​നി​ര​ന്ന​തോ​ടെ കാ​ഴ്ച​ക്ക​ണ്ടം ഭ​ക്തി​യു​ടെ​യും ക​ര​വി​രു​തി​​ന്‍റെയും സം​ഗ​മഭൂ​മി​യാ​യി. അ​മ്മ​യോ​ടു​ള്ള ഭ​ക്തി​യും സ്നേ​ഹ​വും നാ​ട് നെ​ഞ്ചോ​ടു ചേ​ർ​ത്തു വാ​നി​ലേ​ക്കു​യ​ർ​ത്തി.

പു​ല​ര്‍​ച്ചെ മൂ​ന്നി​ന് ജീ​വ​ത​യി​ല്‍ എ​ഴു​ന്നെ​ള്ളു​ന്ന ഭ​ഗ​വ​തി തെ​ക്കേ​മു​റ്റ​ത്തെ വേ​ല​ക​ളി​യും കു​ള​ത്തി​ല്‍ വേ​ല​ക​ളി​യും ദ​ര്‍​ശി​ച്ച് ക​ര​ക്കാ​ര്‍ സ​മ​ര്‍​പ്പി​ച്ച കെ​ട്ടു​കാ​ഴ്ച​ക​ള്‍​ക്ക​മു​ന്‍​പി​ലെ​ത്തും. ക്ര​മ​പ്ര​കാ​രം കെ​ട്ടു​കാ​ഴ്ച​ക​ള്‍​ക്കു മു​ന്നി​ലെ​ത്തി ക​ര​ക്കാ​രെ​യും ഭ​ക്ത​രെ​യും അ​നു​ഗ്ര​ഹി​ച്ച് ക്ഷേ​ത്ര​ത്തി​ലേ​ക്കു മ​ട​ങ്ങു​ന്ന​തോ​ടെ കും​ഭ​ഭ​ര​ണി മ​ഹോ​ത്സ​വം സ​മാ​പി​ക്കും.